2007இல் தில்லியிலுள்ள ஜவகர்லால் நேரு பல்கலைக் கழக அழைப்பை ஏற்று அங்கு தமிழ்ப் பேராசிரியராகச் சேர்ந்து 2007 முதல் 2013 வரை பணியாற்றியபின் திருவாரூரில் உள்ள தமிழ் நாடு மத்தியப் பல்கலைக்கழக அழைப்பை ஏற்று அங்கு செம்மொழித் தமிழக்கல்வியைப் புகட்டும் தமிழ்த் துறையின் ஒருங்கிணைப்பாளராக 2013 முதல் 2017 வரை பணியாற்றினார்.தற்போது புதுவையிலுள்ள பிரெஞ்சு கீழ்த்திசை ஆசியவியல் பள்ளியில் நேதமிழ் என்ற சங்க இலக்கியப் பதிப்புத் திட்டத்தின் கீழ் தொல்காப்பியம் சொல்லதிகாரம் தெய்வச்சிலையார் உரைக்குச் செம்பதிப்புக் கொணரும் பணியில் ஈடுபட்டுள்ளார்.மேலும் அங்கே சிவதருமோத்தரம் பற்றிய ஆய்வுத்திட்டத்தின் கீழ் கச்சியப்ப முனிவரின் தணிகைப் புராணத்தில் அவர் தமிழ்ச்சிவதருமோத்தர நூலின் மொழி பெயர்ப்பாக அமைத்த அகத்தியன் அருள்பெறுபடலத்தை அறிஞர்களுடன் இணைந்து மொழிபெயர்த்து வருகிறார் 2017-). முன்னதாக ஜெர்மனியிலுள்ள கொலோன் பல்கலைக் கழகத்தில் ஆய்வு இணையராகவும்(1979-81) போலந்திலுள்ள வார்சா பல்கலைக்கழகத்தில் வருகை தரு பேராசிரியராகவும் (2005-2008) பணியாற்றியுள்ளார்.பேராசிரியர் மா.இளையபெருமாள்.முனைவர் பா.ரா.சுப்பிரமணியன் இவர்கள் கீழ்ப்பணியாற்றிய இவர் உற்ற நண்பர் காலஞ்சென்ற ஈழத்துக் கவிஞர் முனைவர் சி.சத்தியமூர்த்தியாவர்.இந்திய மொழியியல் கழகம்.திராவிட மொழியியல்கழகம்.இந்திய இடப்பெயர் க்கழகம்.திருவனந்தபுரம் இடப்பெயர்க்கழகம். போன்ற பல அமைப்புகளிலும் உறுப்பினரான இவரின் கீழ் 50 க்கும் மேற்பட்டோர் முன் முனைவர் பட்டமும் 25 பேர் முனைவர் பட்டமும் பெற்றுள்ளனர்.தமிழிலும் ஆங்கிலத்திலும் மலையாளத்திலும் 15 நூல்களையும் 150க்கும் மேற்பட்ட கட்டுரைகளையும் எழுதியும் பதிப்பித்தும் உள்ளார். இலக்கணம் மொழி வரலாறு.இடப் பெயராய்வு. அகராதியியல். ஒப்பிலக்கியம். மொழிபெயர்ப்பியல். மூலபாடத்திறனாய்வு. கல்வெட்டு .வரலாறு .பண்பாடு போன்ற கல்வித்துறைகளில் ஈடுபாடுடைய இவர் தற்காலப் படைப்பிலக்கிய முயற்சிகளிலும் அக்கறை காட்டுபவர். சாகித்திய அகாதெமியின் தமிழ் ஒருங்கிணைப்பாளராகப் ஐந்தாண்டுகள் பணியாற்றினார்(2013-2018).மலையாளம் போலிஷ், மொழிகளிலிருந்து இலக்கணம்.புதினம். கவிதை .சிறுகதை போன்றவற்றை மொழி பெயர்த்துள்ளார். வீரசோழியச் செம்பதிப்பு முயற்சியில் ஈடுபட்டுள்ள இவர் இங்கிலாந்து ஜெர்மனி முதலிய ஐரோப்பிய நாடுகள் இலங்கை ,சிங்கப்பூர்,மலேசியா, அமெரிக்கா போன்ற ஆசிய நாடுகளுக்கும் கல்விப்பயணம் சென்றுவந்துள்ளார் இவர் மனைவி கிருஷ்ணவேணி.மகள்கள் கண்மணி(கன்யா).நாககிருஷ்ணாள்(நித்தியா).